دوركالزبون بيقعد،
وجواله بينادي عليه.
بديل أجهزة النداء للكافيهات والمطاعم. بدون أجهزة، وبدون تطبيق.
على الكاونتر،
القصة كلها ضغطتين.
الموظف بيكتب رقم الفاتورة وبيختار كم دقيقة بده الطلب. الزبون بيمسح الكود اللي عالكاونتر، بيكتب نفس الرقم، وبيشوف تايمر على جواله لحد ما يجهز.
- الموظف بيكتب رقم الفاتورة
- ضغطة
- بيختار الوقت: 10 دقائق
- ضغطة
- الزبون بيمسح الكود ويكتب 27
- ثواني
- تايمر على جوال الزبون
- تلقائي
- «جاهز»، وجواله بيرن
- ضغطة
- أجهزة نداء
- 0
- تطبيقات للتنزيل
- 0
شكراً لزيارتكم
جهاز النداء، ولا جوال الزبون؟
| البند | أجهزة النداء | دورك |
|---|---|---|
| التكلفة | بتشتري الأجهزة، وبترجع تشتري بدل اللي بيضيع | اشتراك شهري، بدون ولا جهاز |
| الضياع والكسر | بتطلع مع الزبون، وبتوقع وبتنكسر | ما في إشي يضيع |
| الشحن | كل يوم، وجهاز ناقص دايماً | جوال الزبون مشحون أصلاً |
| كم ضايل لطلبي؟ | الزبون ما بيعرف | تايمر قدامه على الجوال |
| وقت الزحمة | بتخلص الأجهزة | كل زبون معه جواله |
| تقييم محلك على Google | ما إلها علاقة | بعد الاستلام، الزبون بيطلعله زر تقييم محلك |
إلك كصاحب محل
- تركيب بخمس دقائق
- بوستر الكود عالكاونتر، وتابلت أو جوال عند الكاشير. هاد كل اللي بتحتاجه.
- الموظف ما بده تدريب
- رقم الفاتورة، والوقت، و«جاهز». بيتعلمها من أول طلب.
- بتعرف شو بيصير بمحلك
- كم طلب اليوم، أكثر ساعة زحمة، وقديش بياخد التحضير بالمتوسط.
- تقييمات أكثر على Google
- بعد ما يستلم، الزبون بيطلعله زر «قيّم المحل على Google» بيفتحله صفحة تقييم محلك على الخرائط مباشرة.
- أجهزة الموظفين تحت إيدك
- كل جهاز بينربط بكود لمرة وحدة، وبتفصله بضغطة إذا موظف ترك.
وين بيقعد دورك عندك؟
بيشتغل على أي جهاز فيه متصفح. اختار اللي بيناسب كاشيرك.
-
1
جنب الكاشير، على نفس الشاشة
شريط صغير على طرف الشاشة، والكاشير بيضل شغّال جنبه. الموظف بيكتب الرقم وEnter، ونفس الرقم مرة ثانية يعني «جاهز». وعلى شاشات اللمس في لوحة أرقام صغيرة جوّاه.
-
2
نافذة عائمة فوق الكاشير
للشاشات الصغيرة اللي ما بتتقسم: نافذة صغيرة بتضل فوق برنامج الكاشير، وبتحطها بالزاوية اللي بدك إياها.
-
3
جهاز صغير لحاله
جوال أو تابلت جنب الكاشير، وما بنلمس جهاز الكاشير أبداً. ما عندك جهاز؟ منأمنلك واحد جديد بسعر التكلفة.
الأسعار
أول شهر مجاناً. بدون عقد، وبدون رسوم تركيب. كل الميزات بكل الباقات.
شهري
15 دينار بالشهر
بتدفع شهر بشهر، وبتوقف وقت ما بدك.
3 شهور
45 دينار
دفعة وحدة كل 3 شهور.
سنة
150 دينار
أوفر خيار: شهرين ببلاش تقريباً.
- طلبات وزبائن بدون حد
- أجهزة موظفين بدون حد
- بوستر الكود جاهز للطباعة
- إحصائيات المحل ودعوة تقييم Google
- دعم على الواتساب
أسئلة بتتكرر
الزبون لازم ينزّل تطبيق؟
لا. بيمسح الكود بكاميرا جواله، وبيكتب رقم فاتورته، وخلص. ما في تطبيق ولا حساب.
بيشتغل مع نظام الكاشير تبعي؟
آه، لأنه ما بيحتاج يتربط فيه. بيقعد جنبه على نفس الشاشة، أو على جهاز صغير لحاله، والموظف بيكتب رقم الفاتورة اللي طلع من الكاشير.
لازم أشتري جهاز؟
لا. إذا عندك كمبيوتر أو تابلت أو جوال عند الكاشير بيكفي. وإذا ما عندك، منأمنلك جوال جديد بسعر التكلفة.
كيف الزبون بيعرف إنه طلبه جهز؟
جواله بيرن وبيهتز وبتطلعله شاشة «طلبك جاهز». على الأندرويد بيوصله إشعار حتى لو سكّر الشاشة. على الآيفون الأفضل يضل فاتح الصفحة، والصفحة بتمنع الشاشة تطفي لحالها.
إذا زبون ما بده يستخدم جواله؟
عادي، الموظف بيناديله زي ما كنتوا تعملوا. الشاشة بتبين للموظف مين متابع طلبه بالجوال ومين لا.
كيف بدفع؟
كاش أو CliQ، شهري أو كل 3 شهور أو سنة. وقبل ما يخلص اشتراكك بأسبوع، بيطلعلك تنبيه بلوحة المحل.